ഇനി ഹിറ്റ് നായികയ്‍ക്കൊപ്പം കല്‍ക്കി സംവിധായകൻ, നാഗ് അശ്വിൻ ആ പ്രൊജക്റ്റിന്റെ തിരക്കഥ പൂര്‍ത്തിയാക്കി
രാജ്യമൊട്ടാകെ പേരുകേട്ട ഒരു തെലുങ്ക് സംവിധായകനാണ് നാഗ് അശ്വിൻ. മികച്ച തെലുങ്ക് ചിത്രത്തിനുള്ള ദേശീയ അവാര്‍ഡ് മഹാനടിയിലൂടെ നാഗ് അശ്വിൻ നേടിയിരുന്നു. കല്‍ക്കി 2898 എഡി എന്ന ചിത്രം വിജയമായതിനാലും നാഗ് അശ്വിൻ ശ്രദ്ധയാകര്‍ഷിച്ചു. നാഗ് അശ്വിന്റെ സംവിധാനത്തിലുള്ള ഒരു ചിത്രത്തില്‍ ആലിയ ഭട്ട് നിര്‍ണായക വേഷത്തിലുണ്ടാകുമെന്ന വാര്‍ത്തയാണ് പുതുതായി ചര്‍ച്ചയാകുന്നത്.
നായിക പ്രാധാന്യമുള്ള ഒരു തെലുങ്ക് ചിത്രത്തിലും ആലിയ ഭട്ടുണ്ടാകുക എന്നാണ് റിപ്പോര്‍ട്ട്. നാഗ് അശ്വിൻ തിരക്കഥ എഴുതിക്കഴിഞ്ഞുവെന്നും വാര്‍ത്തകള്‍ സൂചിപ്പിക്കുന്നു. എന്തായാരിക്കും പ്രമേയമെന്ന് ഇതുവരെ വെളിപ്പെട്ടിട്ടില്ല.കല്‍ക്കി 2 മിക്കവാറും അടുത്ത വര്‍ഷം ജനുവരി മാസത്തിലോ ഫെബ്രുവരിയിലോ ആയിരിക്കും തുടങ്ങുക എന്നാണ് റിപ്പോര്‍ട്ട്.
പ്രഭാസിന് കല്‍ക്കിക്ക് ആകെ 80 കോടി രൂപയാണ് പ്രതിഫലം എന്നാണ് റിപ്പോര്‍ട്ട്. ദീപിക പദുക്കോണ്‍ നായികയായപ്പോള്‍ പ്രഭ...
