28 വര്ഷങ്ങള്ക്ക് മുന്പുള്ള പാര്ട്ടി നടപടിയിലെ ചതിയില് തുറന്നു പറച്ചിലുമായി സിപിഐഎം നേതാവും മുന് മന്ത്രിയുമായ ജി സുധാകരന്
28 വര്ഷങ്ങള്ക്ക് മുന്പുള്ള പാര്ട്ടി നടപടിയിലെ ചതിയില് തുറന്നു പറച്ചിലുമായി സിപിഐഎം നേതാവും മുന് മന്ത്രിയുമായ ജി സുധാകരന്. സിപിഐഎം മുന് എംപി ടിജെ ആഞ്ചലോസിനെ പുറത്താക്കിയത് കള്ള റിപ്പോര്ട്ടിലൂടെയെന്നാണ് ജി സുധാകരന്റെ വെളിപ്പെടുത്തല്. 1996ലെ ലോക്സഭാ തെരഞ്ഞെടുപ്പില് സിഎസ് സുജാതയുടെ തോല്വിയില് ആയിരുന്നു നടപടി. തന്നെ അധ്യക്ഷനാക്കി തന്നോട് പറയാതെ ആയിരുന്നു അജണ്ട ചര്ച്ചക്ക് വെച്ചത്. സുജാതയുടെ തോല്വിയില് ബോധപൂര്വ്വം പ്രവര്ത്തിച്ചു എന്നാരോപിച്ച കള്ള റിപ്പോര്ട്ടിലൂടെയാണ് ആഞ്ചലോസിനെ പുറത്താക്കിയതെന്നും ജി സുധാകരന് പറഞ്ഞു.
അന്നത്തെ ആ സംഭവം താന് ജീവിതത്തില് നേരിട്ട വലിയ തിരിച്ചടിയായിരുന്നെന്നും അത് വല്ലാത്ത ഹൃദയവേദനയുണ്ടാക്കിയെന്നും സുധാകരന് പറഞ്ഞു. പാര്ട്ടി അന്ന് ചെയ്യാന് പാടില്ലാത്തത് ചെയ്തു. തന്നെ ചതിച്ചു. ചതിച്ചയാള് പിന്നെ നല്ല രീതിയില് അല്ല മരിച്ചതെന്നും ജി സുധാകരന് ...
