മോഹന്‍ലാല്‍ നായകനായി ഭദ്രന്‍ സംവിധാനം ചെയ്ത സ്ഫടികം (Mohanlal Spadikam) സിനിമ 4കെയില്‍ ഫെബ്രുവരി ഒന്‍പതിന് തിയേറ്ററിലെത്തും. ഇതിനോടകം തന്നെ നിരവധി ഫാന്‍സ് ഷോകള്‍ ബുക്ക് ചെയ്ത് കഴിഞ്ഞു.
ചിത്രത്തിന്റെ രണ്ടാം വരവ് ആഘോഷമാക്കാന്‍ നിരവധി സര്‍പ്രൈസുകളാണ് അണിയറ പ്രവര്‍ത്തകര്‍ ഒരുക്കിയിരിക്കുന്നത്. സംവിധായകന്‍ ഭദ്രന്റെ തന്റെ ഫേസ്ബുക്ക് കുറിപ്പിലൂടെയാണ് ഇക്കാര്യങ്ങശള്‍ വ്യക്തമാക്കിയത്.
പ്രേക്ഷകര്‍ക്കായി ചില മത്സരങ്ങളാണ് അണിയറ പ്രവര്‍ത്തകര്‍ ഒരുക്കിയിരിക്കുന്നത്. വിജയിക്കുന്നവര്‍ക്ക് ആടുതോമ നേരിട്ട് സമ്മാനങ്ങള്‍ നല്‍കും.. അതും തോമാച്ചായന്റെ പ്രിയപ്പെട്ട റെയ്ബാന്‍ ഗ്ലാസും ബുള്ളറ്റും
കുറിപ്പിന്റെ പൂര്‍ണ്ണരൂപം
പ്രിയപ്പെട്ടവരേ,
നിങ്ങളേവരും നെഞ്ചുംകൂടില്‍ നിണമുദ്രണം ചെയ്ത, ആടുതോമ ആടിതിമിര്‍ത്ത ‘സ്ഫടികം’ 4കെ ദൃശ്യമികവോടെയും ഡോള്‍ബി അറ്റ്മോസ് ശബ്ദ വിന്യാസത്തോടെയും തിയറ്ററുകളില്‍ വീണ്ടും അവതരിക്കാന്‍ ഇനി ഏതാനും ദിവസങ്ങളേയുള്ളൂ.
പാതയുണര്‍ത്തുന്ന ആ ബുള്ളറ്റിന്റെ വരവും ലോറിയുടെ ഇരമ്പലും കരിമ്പാറ പൊട്ടിചിതറുന്ന സ്ഫോടന ശബ്ദവുമൊക്കെ ഫെബ്രുവരി 9 മുതല്‍ നിങ്ങളുടെ കര്‍ണപുടങ്ങളില്‍ പുത്തന്‍ സാങ്കേതിക വിദ്യയുടെ തികവോടെ വിസ്മയാവേശത്തില്‍ പതിയുന്ന ആ നിമിഷങ്ങളെ ഓര്‍ത്തുള്ള ആകാംക്ഷയിലാണ് ഞാന്‍.
സിനിമയുടെ വരവറിയിച്ചെത്തിയ മോഷന്‍ പോസ്റ്ററിനും, ടീസറിനും, ക്യാരക്ടര്‍ പോസ്റ്ററുകള്‍ക്കും നിങ്ങള്‍ തന്ന അത്ഭുതപൂര്‍വ്വമായ സ്വീകരണത്തിന് മനസ്സില്‍ തട്ടിയുള്ള നന്ദി സ്നേഹം.
4കെ ദൃശ്യമികവില്‍ ‘സ്ഫടികം’ നിങ്ങള്‍ക്ക് മുന്നില്‍ തെളിയുമ്പോള്‍ കൂട്ടിച്ചേര്‍ത്ത ചില പുതിയ ഷോട്ടുകള്‍ ഉണ്ടാകുമെന്ന് ഞാന്‍ കൊച്ചിയില്‍ പ്രസ് മീറ്റില്‍ പറഞ്ഞിരുന്നു. അത് ഏതൊക്കെയാണെന്ന് കണ്ടെത്തുന്നവര്‍ക്ക് സമ്മാനവും പ്രഖ്യാപിച്ചിരുന്നു.
എന്നാല്‍ നിങ്ങള്‍ പുതിയ ഷോട്ടുകള്‍ ഏവയെന്ന് നോക്കിയിരിക്കുമ്പോള്‍ സിനിമയുടെ മൊത്തത്തിലുള്ള ആസ്വാദനത്തിന്റെ രസതന്ത്രം മുറിഞ്ഞു പോയാലോ എന്ന് ഞാന്‍ ഭയപ്പെടുന്നു.
അതിനാല്‍ ‘സ്ഫടിക’ത്തെ നെഞ്ചോടു ചേര്‍ത്ത് സ്നേഹിക്കുന്ന പലരുടേയും പല കോണില്‍ നിന്നുള്ള അഭിപ്രായങ്ങള്‍ മാനിച്ച് അതില്‍ ഒരു വ്യത്യാസം വരുത്തുകയാണ്.
ആ സമ്മാനം നിങ്ങള്‍ക്ക് ലഭ്യമാക്കാന്‍ മറ്റൊരു രീതി ഞങ്ങള്‍ അവലംബിക്കുകയാണ്. 28 കൊല്ലം സ്നേഹം തന്നതിന്റെ സമ്മാനമായി, ഇനി ആടുതോമ നിങ്ങള്‍ക്ക് നേരിട്ട് ബുള്ളറ്റ് ബൈക്കും റെയ്ബാന്‍ ഗ്ലാസും സമ്മാനിക്കും.
അതിന് വേണ്ടിയുള്ള #SpadikamContest വൈകാതെ തന്നെ അപ്ഡേറ്റ് ചെയ്യുന്നതായിരിക്കും. തിരഞ്ഞെടുക്കപ്പെടുന്ന ഭാഗ്യശാലിക്ക് മോഹന്‍ലാല്‍ നേരിട്ട് ബുള്ളറ്റും റെയ്ബാനും സമ്മാനിക്കും.
Read This Also
Related Posts
തിയറ്ററുകൾ പൂരപറമ്പാക്കാൻ മമ്മൂട്ടിയുടെ ക്രിസ്റ്റഫർ എത്തുന്നു; റിലീസ് തീയതി പ്രഖ്യാപിച്ചു
കോണ്‍ഗ്രസ് രാഷ്ട്രീയമായി പാപ്പരായത് കൊണ്ടാണ് ‘അഴിമതിക്കെതിരെ ഒരു വോട്ട്’ പ്രകടനപത്രികയിൽ നിന്ന് ഒഴിവാക്കേണ്ടി വന്നത്; മന്ത്രി തോമസ് ഐസക്ക്
ഒക്ടോബർ ഒന്ന് മുതൽ മസ്കത്തിൽ നിന്ന് തിരുവനന്തപുരത്തേക്ക് നേരിട്ട് സർവീസ് Oman Air
രണ്ടാം വന്ദേഭാരതിന്റെ ആദ്യ സര്‍വീസ് ഇന്ന് തുടങ്ങും; വൈകിട്ട് തിരുവനന്തപുരത്ത് നിന്ന് Vande Bharat
ജല്ലിക്കെട്ടിലൂടെ ഇത്തവണ ഓസ്‌കര്‍ ഇന്ത്യയിലെത്താന്‍ സാദ്ധ്യതയുണ്ട്;സംവിധായകന്‍ സെല്‍വരാഘവന്‍
രണ്ടാം വന്ദേ ഭാരത് ട്രെയിൻ കാസർകോട് നിന്ന് തിരുവനന്തപുരത്തേക്ക് ; ഉദ്ഘാടനം ഞായറാഴ്ച്ച കാസർകോട് Vande Bharat
34 വർഷത്തിനിപ്പുറം ആ മോഹൻലാൽ ചിത്രത്തിന് റീമാസ്റ്റർ പതിപ്പ്
പ്രശസ്ത സംവിധായകന്‍ കെ ജി ജോര്‍ജ് അന്തരിച്ചു KG George