ദേശീയ സിനിമാ ദിനത്തിൽ സിനിമ കാണാം 99 രൂപക്ക് Cinema

Cinema സിനിമാ ടിക്കറ്റ് നിരക്കിൽ ഈ അടുത്തകാലത്ത് വലിയ വർധനവാണ് വന്നത്. എന്നാൽ വർഷത്തിൽ ഒരു ദിവസം കുറഞ്ഞ ടിക്കറ്റ് നിരക്കിൽ പ്രേക്ഷകർക്ക് തിയറ്ററുകളിൽ പ്രവേശനം അനുവദിക്കുന്ന ഒരു ക്യാംപെയ്ൻ കഴിഞ്ഞ വർഷം മൾട്ടിപ്ലെക്സ് അസോസിയേഷൻ ഓഫ് ഇന്ത്യ ആരംഭിച്ചിരുന്നു. ദേശീയ സിനിമാദിനം എന്ന പേരിൽ ഈ വർഷവും ഓഫർ വരുന്നുണ്ട്. ഇത് പ്രകാരം ഒക്ടോബർ 13 ന് രാജ്യമൊട്ടാകെയുള്ള നാലായിരത്തിലേറെ സ്ക്രീനുകളിൽ 99 രൂപയ്ക്ക് സിനിമ കാണാം. മൾട്ടിപ്ലെക്സ് അസോസിയേഷന് കീഴിലുള്ള പി.വി.ആർ ഐനോക്സ്, സിനിപൊളിസ്, മിറാഷ്, സിറ്റിഡ്, ഏഷ്യൻ, മുക്ത എ 2, മൂവി ടൈം, വേവ്, എം2കെ, ഡിലൈറ്റ് തുടങ്ങിയ മൾട്ടിപ്ലെക്സ് തീയറ്ററുകളിലാണ് ഈ ഓഫർ ലഭ്യമാവുക.

Also Read: https://panchayathuvartha.com/court-adjourned-in-manjeshwaram-election-corruption-case-all-accused-including-k-surendran-to-appear-in-court-today/

ചലച്ചിത്ര വ്യവസായത്തിന് ഉണർവ് പകരുകയെന്ന ആശയത്തോടെ ആവിഷ്കരിച്ചിട്ടുള്ള ദേശീയ ചലച്ചിത്രദിനത്തിന്റെ ഭാഗമായി കഴിഞ്ഞ വർഷം ഒറ്റദിവസം 65 ലക്ഷം ടിക്കറ്റുകളാണ് വിറ്റുപോയത്.

ആ റെക്കോർഡ് തകർക്കപ്പെടുമോ എന്നറിയാനുള്ള കാത്തിരിപ്പിലാണ് സംഘാടകർ. അതേസമയം നിലവിൽ ഇന്ത്യൻ തിയറ്റർ വ്യവസായം മികച്ച നിലയിലാണ്. വിവിധ ഇൻഡസ്ട്രികളിൽ നിന്ന് വൻ വിജയചിത്രങ്ങൾ വന്ന ആഗസ്റ്റ് മാസം റെക്കോർഡ് കളക്ഷനാണ് നേടിത്.