എസ്എസ്എല്സി , പ്ലസ് ടു പരീക്ഷകള് മാര്ച്ച് 17 മുതല് നടത്തും
സംസ്ഥാനത്തെ എസ്എസ്എല്സി, ഹയര് സെക്കന്ററി പരീക്ഷകള് മാര്ച്ച് 17 മുതല് നടത്താന് തീരുമാനം. എസ്എസ്എല്സി പരീക്ഷയും ഹയര് സെക്കന്ററി, വൊക്കേഷണല് ഹയര് സെക്കന്ററി രണ്ടാം വര്ഷ പരീക്ഷകളും കോവിഡ് മാനദണ്ഡങ്ങള് കര്ശനമായി പാലിച്ച് മാര്ച്ച് 17 മുതല് 30 വരെ നടത്താനാണ് സംസ്ഥാന സര്ക്കാര് തീരുമാനിച്ചിരിക്കുന്നത്.
മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന ഉന്നതതലയോഗമാണ് തീരുമാനം. പത്ത്, പന്ത്രണ്ട് ക്ലാസുകളിലെ പൊതുപരീക്ഷകള്ക്കുള്ള ക്രമീകരണവും വിദ്യാഭ്യാസ വകുപ്പ് ഉടനെ നടത്തും. പൊതുപരീക്ഷയുടെ ഭാഗമായുള്ള പ്രാക്ടിക്കല് പരീക്ഷക്ക് തയ്യാറെടുക്കുന്നവര്ക്കുള്ള ക്ലാസുകള് ജനുവരി ഒന്നു മുതല് ആരംഭിക്കും.
ജൂണ് ഒന്നു മുതല് ആരംഭിച്ച ഓണ്ലൈന് ക്ലാസുകളുടെ റിവിഷനും സംശയദൂരീകരണവും ജനുവരി ഒന്നു മുതല് സ്കൂള്തലത്തില് നടത്തുന്നതിന് ക്രമീകരണമുണ്ടാക്കും. മാതൃകാപരീക്ഷകളും വിദ്യാര്ത്ഥ...
