കൊച്ചി: കശുവണ്ടി വികസന കോര്പ്പറേഷനിലെ അഴിമതിയില് ഐ.എന്.ടി.യു.സി. നേതാവ് ആര്. ചന്ദ്രശേഖരന്, മുന് എം.ഡി. കെ.എ. രതീഷ് എന്നിവര്ക്കെതിരേ സി.ബി.ഐ ഹൈക്കോടതിയില്. കോര്പ്പറേഷനിലെ അഴിമതിയില് വ്യക്തമായ തെളിവുണ്ടെന്നും ഇരുവരും ജെ.എം.ജെ. ട്രേഡേഴ്സുമായി ചേര്ന്ന് ഗൂഢാലോചന നടത്തിയെന്നും സി.ബി.ഐ. ഹൈക്കോടതിയെ അറിയിച്ചു.
അഴിമതിയിലൂടെ കോര്പ്പറേഷന് കോടികളുടെ നഷ്ടമുണ്ടാക്കി. നാലരക്കോടിയുടെ നഷ്ടം ഇതുവരെ കണ്ടെത്തി.
വലിയ തട്ടിപ്പാണ് നടന്നിരിക്കുന്നത്. അതിനാല് ഇനിയും അന്വേഷണം നടത്തേണ്ടതുണ്ട്. എന്നാല് അത് പരിശോധിക്കാന് ആവശ്യമായ രേഖകള് കോര്പ്പറേഷന്റെ കൈവശമില്ലെന്നും സി.ബി.ഐ. ഹൈക്കോടതിയെ അറിയിച്ചു.
കേസില് പ്രോസിക്യൂഷന് അനുമതി നിഷേധിച്ച സര്ക്കാരിന്റെ നിലപാടിനെയും സി.ബി.ഐ. വിമര്ശിച്ചു. കേസിലെ തെളിവുകള് പരിശോധിക്കാതെയാണ് സര്ക്കാര് പ്രോസിക്യൂഷന് അനുമതി നിഷേധിച്ചതെന്നാണ് സി.ബി.ഐ.യുടെ വാദം. അതേസമയം, സര്ക്കാര് അനുമതിയില്ലെങ്കിലും സി.ബി.ഐ.യ്ക്ക് കേസില് കുറ്റപത്രം നല്കാനാകുമെന്നും ഹൈക്കോടതിയെ അറിയിച്ചിട്ടുണ്ട്. അതിനാല് അടുത്തദിവസങ്ങളില് തന്നെ പ്രത്യേക കോടതിയില് കുറ്റപത്രം സമര്പ്പിക്കാനും സാധ്യതയുണ്ട്.
കശുവണ്ടി വികസന കോര്പ്പറേഷനിലെ അഴിമതിയില് കൊല്ലം സ്വദേശി കടകംപള്ളി മനോജ് നല്കിയ പരാതിയിലാണ് ഹൈക്കോടതി സി.ബി.ഐ. അന്വേഷണത്തിന് ഉത്തരവിട്ടത്. കോര്പ്പറേഷനില് 500 കോടിയുടെ അഴിമതി നടന്നെന്നായിരുന്നു ആരോപണം. എന്നാല് കേസില് കെ.എ. രതീഷിനെയും ആര്. ചന്ദ്രശേഖരനെയും പ്രോസിക്യൂട്ട് ചെയ്യാന് സര്ക്കാര് അനുമതി നല്കിയില്ല. തുടര്ന്നാണ് പരാതിക്കാരനായ കടകംപള്ളി മനോജ് വീണ്ടും ഹൈക്കോടതിയെ സമീപിച്ചത്. ഈ ഹര്ജിയിലാണ് സി.ബി.ഐ. പുതിയ വിവരങ്ങള് കോടതിയെ അറിയിച്ചത്.
Related Posts
പാലാരിവട്ടം പാലം അഴിമതി; ഇബ്രാഹിംകുഞ്ഞിന്റെ കസ്റ്റഡി കാലാവധി നീട്ടി; ആശുപത്രിയില് തുടരും
‘പക്ഷപാതപരമായി പെരുമാറുന്നു’: വിചാരണക്കോടതി മാറ്റണമെന്ന് ആവശ്യപ്പെട്ട് നടി ഹൈക്കോടതിയില്
പൊലീസ് ആക്ട് ഭേദഗതിയില് നടപടി വേണ്ടെന്ന് ഡിജിപി: നിയമം പരിഷ്കരിക്കുമെന്ന് സര്ക്കാര് ഹൈക്കോടതിയില്.
ബിവറേജസ് കോര്പ്പറേഷന് ലാഭപ്പട്ടികയില്; മുന്നില് കെഎസ്ഇബി; നഷ്ടത്തില് കെഎസ്ആര്ടിസി തന്നെ ഒന്നാമത്.
സ്കൂളുകളുടെ അടിസ്ഥാന സൗകര്യ വികസനം; 7 വർഷം കൊണ്ട് 3,800 കോടി ചെലവഴിച്ചതായി മന്ത്രി School
‘സ്വപ്നയ്ക്ക് ഭീഷണിയില്ല’; സുരക്ഷ ഒരുക്കണമെന്ന ഉത്തരവിനെതിരെ ജയില്വകുപ്പ് ഹൈക്കോടതിയില്
കണ്ണൂര് കോര്പ്പറേഷനില് അക്കൗണ്ട് തുറന്ന് ബിജെപി, ചരിത്രത്തിലെ ആദ്യ സീറ്റ്
കൊച്ചി കോര്പറേഷന്: വിമത സ്ഥാനാര്ഥികള് ഇന്ന് നിലപാട് പ്രഖ്യാപിച്ചേക്കും