കൊവിഡ് വാക്‌സിന്‍ ഉപയോഗത്തിന് രാജ്യത്ത് തന്നെ അനുമതി കിട്ടും മുമ്പാണ് കേരളത്തിലെ വിതരണം സൗജന്യമായിരിക്കുമെന്ന പ്രഖ്യാപനം. ഫൈസര്‍ വാക്‌സിനടക്കം ഒരു വാക്‌സിനും ഇന്ത്യ ഇതുവരെ അനുമതി നല്‍കിയിട്ടില്ല. പക്ഷെ രാജ്യവും കേരളമടക്കമുള്ള സംസ്ഥാനങ്ങളും വാക്‌സിനായുള്ള ഒരുക്കങ്ങള്‍ തുടങ്ങിയിട്ടുണ്ട്. കാലാവസ്ഥാ പ്രത്യേകതയും ചെലവുമാണ് വാക്‌സിന്‍ വിതരണത്തിനുള്ള കേരളത്തിന്റെ പ്രധാന വെല്ലുവിളി.
ലോകത്ത് വിതരണമാരംഭിച്ച ഫൈസര്‍ വാക്‌സിന്‍ സ്വീകരിക്കുന്നതിനുള്ള പ്രധാന തടസ്സവും ഇതുതന്നെ. മൈനസ് 70 ഡിഗ്രിയില്‍ വരെ ശീതീകരിച്ച് സൂക്ഷിക്കേണ്ടി വരുമെന്നതാണ് പ്രശ്‌നം. വാക്‌സിന്‍ എത്തിക്കുന്നതിനും സൂക്ഷിക്കുന്നതിനും വിതരണത്തിനും കേരളത്തില്‍ നിലവിലുള്ള സംവിധാനങ്ങള്‍ മതിയാകില്ല. ഫൈസര്‍ വാക്‌സിന്‍ സൂക്ഷിക്കുന്നതിനായ പ്രത്യേക കണ്ടെയ്‌നറുകള്‍ കൂടി വാങ്ങേണ്ടി വരും. എത്തിക്കാനുള്ള ചെലവും കൂടും.
പരമാവധി മൈനസ് മുപ്പത് ഡിഗ്രി വരെയുള്ള ഡീപ് ഫ്രീസറുകളാണ് കേരളത്തിലുള്ളത്. ഓക്‌സ്ഫര്‍ഡ് സര്‍വ്വകലാശാലയുമായി ചേര്‍ന്ന് വികസിപ്പിക്കുന്ന കൊവിഷീല്‍ഡ്, ഭാരത് ബയോടെക്കിന്റെ കൊ-വാക്‌സ് എന്നിവയിലാണ് കേരളത്തിന്റെ കൂടുതല്‍ പ്രതീക്ഷ. ഇവ വിതരണം ചെയ്യാന്‍ നിലവിലെ സംവിധാനങ്ങള്‍ മതിയാകും. 1250 ശീതികരണ സംഭരണ യൂണിറ്റുകള്‍ കേരളത്തിനുണ്ട്.
ഐസ് ലൈന്‍ഡ് റെഫ്രിജറേറ്റുകളും ഡീപ് ഫ്രീസറുകളും പ്രാഥമികാരോഗ്യ കേന്ദ്രങ്ങള്‍ മുതല്‍ സര്‍ക്കാര്‍ സ്ഥാപനങ്ങളില്‍ സജ്ജമാണ്. സിറിഞ്ചുകളടക്കമുള്ളവ മെഡിക്കല്‍ സര്‍വ്വീസസ് കോര്‍പ്പറേഷന്‍ വഴി ലഭ്യമാക്കും.
വാക്‌സിന്‍ വിതരണത്തിനായി സംസ്ഥാന സ്റ്റിയറിങ് കമ്മിറ്റി, ദൗത്യസേന എന്നിവ ഉണ്ടാക്കി. തെരഞ്ഞെടുപ്പിന് ശേഷം താഴേത്തട്ടിലുള്ള രൂപീകരണവും നടക്കും. ഫെബ്രുവരിയെങ്കിലുമാകും വാക്‌സിന്‍ കേരളത്തില്‍ വിതരണത്തിനെത്താന്‍ എന്നാണ് നിലവിലെ കണക്കുകൂട്ടല്‍.
ആദ്യഘട്ടത്തില്‍ വാക്‌സിന്‍ നല്‍കേണ്ട ആരോഗ്യപ്രവര്‍ത്തകര്‍, മുന്‍നിര പ്രവര്‍ത്തകര്‍, പ്രായമായവര്‍ എന്നിവരുടെ വിവര ശേഖരണം നടക്കുകയാണ്. കോവിന്‍ എന്ന പോര്‍ട്ടലില്‍ അപ്‌ലോഡ് ചെയ്യുന്നതാണ് നിലവില്‍ നടക്കുന്ന പ്രവര്‍ത്തനം.
പരീക്ഷണഘട്ടം പിന്നിട്ട് വാക്‌സിനുകളുടെ ഉപയോഗത്തിനുള്ള കേന്ദ്ര അനുമതിയാണ് ഏറ്റവും നിര്‍ണായകം. അതായത് വാക്‌സിന്‍ വിതരണത്തെ ചൊല്ലി രാഷ്ട്രീയപ്പോര് മുറുകുമ്പോഴും വാക്‌സിന്‍ എപ്പോള്‍ എത്തുമെന്ന് യാതൊരു ഉറപ്പുമായിട്ടില്ല.
Related Posts
ബെംഗളൂരു എഫ് സിയെ തോല്‍പ്പിച്ച്‌ കേരള ബ്ലാസ്റ്റേഴ്സ് തുടങ്ങി ISL
‘കൊവിഡ് വാക്‌സിന്‍ സൗജന്യമെന്ന മുഖ്യമന്ത്രിയുടെ പ്രഖ്യാപനം പെരുമാറ്റചട്ട ലംഘനം’, പരാതി നല്‍കി യുഡിഎഫ്
ബുറേവി ചുഴലിക്കാറ്റ്; 12 വിമാനങ്ങള്‍ റദ്ദാക്കി, സംസ്ഥാനത്ത് മുന്നൊരുക്കങ്ങള്‍ ശക്തമെന്ന് റവന്യൂമന്ത്രി
കോവിഡ് വാക്‌സിൻ: ഇന്ത്യയുടെ ശ്രമത്തെ അഭിനന്ദിച്ചു ലോകാരോഗ്യ സംഘടന
കോവിഡിനിടയിലും കേരളത്തിലെ 6 സര്‍ക്കാര്‍ ആശുപത്രികള്‍ക്കു കൂടി ദേശീയ ഗുണനിലവാര അംഗീകാരം, രാജ്യത്തെ മികച്ച പ്രാഥമികാരോഗ്യ കേന്ദ്രങ്ങളില്‍ ആദ്യത്തെ 12 സ്ഥാനവും കേരളം ഇപ്പോഴും നിലനിര്‍ത്തുകയാണ്. തലയെടുപ്പോടെ വീണ്ടും കേരളം…
ഇന്ത്യയിൽ കോവിഡ് വാക്‌സിൻ പരീക്ഷണം പൂർത്തിയായി; ആദ്യം ആരോഗ്യപ്രവർത്തകർക്ക്.
ഷാരോണ്‍ വധക്കേസ് വിചാരണ തമിഴ്നാട്ടിലേക്ക് മാറ്റണം; ഗ്രീഷ്മ സുപ്രീം കോടതിയെ സമീപിച്ചു Greeshma
വാക്‌സിന്‍ എപ്പോഴെത്തുമെന്ന് പറയാനാകില്ല, രോഗമുക്തി കുടിയപ്പോഴുള്ള അമിത ആത്മവിശ്വാസം ആപത്തെന്ന് പ്രധാനമന്ത്രി.