കെഎസ്ആർടിസി ജീവക്കാർക്ക് കുടിശ്ശിക ശമ്പളം വിതരണം ചെയ്യുമെന്ന് ഗതാഗത മന്ത്രി എ. കെ ശശീന്ദ്രൻ

കെഎസ്ആർടിസി ജീവക്കാർക്ക് 2018 മാർച്ച് മുതൽ നൽക്കേണ്ട സപ്ലിമെന്ററി ശമ്പളം വിതരണം ചെയ്യുമെന്ന് ഗതാഗത മന്ത്രി എ. കെ ശശീന്ദ്രൻ. 9.25 കോടി രൂപ 12000 ത്തോളം ജീവക്കാർക്കാണ് നൽകാനുള്ളത്.

ഇതിന്റെ കൂടെ 2018 കാലഘട്ടം മുതൽ നൽകേണ്ടിയിരുന്ന മെഡിക്കൽ റീ ഇൻബേഴ്‌സ്‌മെന്റിന് വേണ്ടി അപേക്ഷിച്ചവർക്കായി 1.15 കോടി രൂപയും വിതരണം ചെയ്തു.

ഈ ഇനത്തിൽ കഴിഞ്ഞ ഓഗസ്റ്റിൽ 2.69 കോടി രൂപ നൽകിയിരുന്നു. ജീവനക്കാരുടെ മറ്റ് നിക്ഷേപ ക്ഷേമ പദ്ധതികൾക്കായി 123.46കോടി ചിലവാക്കി.

2017 മുതൽ കുടിശിക ഉണ്ടായിരുന്ന എൽഐസി പെൻഷൻ, പിഎഫ് തുടങ്ങിയ ഇനങ്ങളിൽ കുടിശികയുണ്ടായിരുന്ന തുകയാണ് ഈ ഇനത്തിൽ നൽകിയതെന്ന് മന്ത്രി അറിയിച്ചു.