ഇടുതപക്ഷ ജനാധിപത്യ മുന്നണി സര്ക്കാരിനെതിരെ നിരന്തരം അപവാദ പ്രചരണം നടത്തിയ ബിജെപിയും, യുഡിഎഫും ജനങ്ങളോട് മാപ്പ് പറയണമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന് അഭിപ്രായപ്പെട്ടു.
പ്രതിപക്ഷവും ചില മാധ്യമങ്ങളും ചേര്ന്ന് കെട്ടിപ്പൊക്കിയ നുണപ്രചരണങ്ങളെ അതിജീവിച്ചാണ് ഇടതു ജനാധിപത്യമുന്നണി ഈ വിജയം നേടിയതെന്നും എം എന് സ്മാരകത്തില് നടത്തിയ വാര്ത്താസമ്മേളത്തില് കാനം പറഞ്ഞു.
ഇടതുപക്ഷ ജനാധിപത്യ മുന്നണി ജനങ്ങളോടൊപ്പം നിന്നു നടത്തിയ പ്രവര്ത്തനങ്ങളോടുള്ള അംഗീകാരമാണ് തെരഞ്ഞെടുപ്പ് ഫലം. അതിന് പോറലേല്പ്പിക്കാന് ചോരതന്നെ കൊതുകിന് കൗതുകം എന്നമട്ടില് പ്രതിപക്ഷ കക്ഷികള് നടത്തിയ ശ്രമങ്ങളെയും ജനങ്ങള് തള്ളിപ്പറഞ്ഞിരിക്കുന്നു.
എല്ഡിഎഫ് കൈവരിച്ച വിജയത്തെ വിലകുറച്ചുകാണാനും അപവാദ പ്രചാരണം തുടരാനുമാണ് കോണ്ഗ്രസും ബിജെപിയും ശ്രമിക്കുന്നത്. ഇരുന്നൂറ് സീറ്റുകളിലെങ്കിലും ബിജെപിയുടെ നിലമെച്ചപ്പെടാന് അവസരം ഒരുക്കിയത് ആരാണെന്ന കാര്യം പരിശോധിക്കേണ്ടത് കോണ്ഗ്രസാണ്.
ഇടതുപക്ഷ ജനാധിപത്യമ മുന്നണിയുടെ മുന്നോട്ടുള്ള പ്രവര്ത്തനങ്ങള്ക്ക് കരുത്ത് പകരുന്നതാണ് തദ്ദേശസ്വയംഭരണ തെരഞ്ഞെടുപ്പിലെ ഫലം.
തദ്ദേശസ്വയംഭരണ സ്ഥാപനങ്ങളില് പ്രാദേശിക വിഷയങ്ങളാണ് ചര്ച്ചയാകുന്നതെന്നും, ജില്ലാ പഞ്ചായത്തിലാണ് രാഷ്ട്രീയ പ്രശ്നങ്ങള് ചര്ച്ചചെയ്യുന്നതെന്നും പ്രതിപക്ഷനേതാവ് അഭിപ്രായപ്പെട്ടത്.
ഇടതുപക്ഷ ജനാധിപത്യമുന്നണിയുടെ പ്രവര്ത്തനങ്ങളില് എന്തെങ്കിലും കുറവുകള് സംഭവിച്ചിട്ടുണ്ടെങ്കില് അത് വിശദമായി പരിശോധിക്കും. സിപിഐ ഈ തെരഞ്ഞെടുപ്പില് കൂടുതല് സീറ്റുകളില് വിജയിച്ചിട്ടുണ്ട്.
തെരഞ്ഞെടുപ്പ് ഫലം വിശദമായി വിശകലനം ചെയ്ത് ഭാവി പരിപാടികള്ക്ക് പാര്ട്ടി രൂപംനല്കും.ജോസ് കെ മാണിയുടെ കേരള കോണ്ഗ്രസ് എല്ഡിഎഫില് ചേര്ന്നതുകൊണ്ട് സിപിഐക്ക് മുന്നണിയിലെ രണ്ടാംസ്ഥാനം നഷ്ടമാകുമെന്ന മിഥ്യാധാരണ മാധ്യമങ്ങള് ഇനിയെങ്കിലും ഒഴിവാക്കണമെന്ന് ചോദ്യങ്ങള്ക്ക് മറുപടിയായി കാനം പറഞ്ഞു.
ഗണിതശാസ്ത്രമറിയാത്തവരാണ് ഇത്തരം പ്രചാരണങ്ങള് നടത്തുന്നതെന്നും അദ്ദേഹം കൂട്ടിച്ചേര്ത്തു.സംസ്ഥാന അസിസ്റ്റന്റ് സെക്രട്ടറിമാരായ അഡ്വ. കെ പ്രകാശ് ബാബു, സത്യന്മൊകേരി എന്നിവരും വാര്ത്താസമ്മേളനത്തില് പങ്കെടുത്തു.