‘അത്രക്ക് മലിനമാണ് മറ്റ് സ്ഥാനാര്‍ഥികള്‍, എല്‍ ഡി എഫും,യുഡിഎഫും തുലയും’ വിവാദ പരാമർശവുമായി; സുരേഷ് ഗോപി

തദ്ദേശ തെരഞ്ഞെടുപ്പ് പ്രചാരണത്തിനിടെ എതിർ സ്ഥാനാർഥികൾക്കെതിരെ വിവാദ പരാമർശവുമായി നടനും ബിജെപി നേതാവുമായ സുരേഷ് ഗോപി.

ആറ്റിങ്ങലിൽ നടന്ന ബിജെപി യോഗത്തിലായിരുന്നു അദ്ദേഹം സംസാരിച്ചത്.

മറ്റ് സ്ഥാനാർത്ഥികൾ അത്രക്ക് മലിനമാണെന്നും, അവരെ സ്ഥാനാർഥികൾ ആയി പോലും വിശേഷിപ്പിക്കാൻ താൻ തയ്യാറല്ലെന്നും സുരേഷ് ഗോപി പറഞ്ഞു. അവർ നിങ്ങളുടെ ശത്രുക്കൾ ആണെങ്കിൽ ആ ശത്രുക്കളെ ഒഴിവാക്കാൻ തയ്യാറെടുക്കുന്ന പോരാളികളാണ് ആറ്റിങ്ങൽ മുനിസിപ്പാലിറ്റിയിലുള്ള 31 പേരും ഇവരെ ജനങ്ങൾ വോട്ട് നൽകി വിജയിപ്പിക്കണം എന്ന് അദ്ദേഹം കൂട്ടിച്ചേർത്തു.